GESANG 297

1. O GOD, ONS WIL U ALTYD DEUR
   IN CHRISTUS AS ONS VADER EER,
   EN DEUR DIE LEIDING VAN U GEES,
   OOK IN GEBED GEHOORSAAM WEES. 

2. O LEER ONS OP U WOORD VERTROU;
   GELOWIG ALTYD DAAROP BOU.
   IN EIE DEUG VIND ONS GEEN STEUN,
   MAAR SLEGS IN CHRISTUS;  IN U SEUN. 

3. GEE ONS, O VADER, DEUR U GEES
   - AL IS ONS EIE HART BEVREES -
   DIE SEKERHEID:  DEUR JESUS BLOED
   IS VIR ONS SKULD VOOR U GEBOET. 

4. LAAT HIERDIE SEKERHEID, O HEER,
   ONS WIL STEEDS VAN DIE KWADE KEER.
   LEER ONS OOK DAARVOOR DANKBAARHEID
   DAT ONS MAG GROEI IN HEILIGHEID. 

5. LAAT, HEER, TOT U GETUIENIS,
   U WOORD, WAT EWIG SEKER IS,
   ONS ALLES WEES IN VREUGDE EN SMART,
   DIE VASTE RUSPUNT VAN ONS HART. 

6. EN KOM ONS BY DIE EINDE, HEER,
   SIEN DAN GENADIG OP ONS NEER;
   LAAT ONS IN VASTHEID VAN GELOOF,
   ONS VREDE VIND IN U, ONS HOOF.